Mos pyesni, lermëni!
Hafiz Shirazi
Sa brenga dashurie që kam pasur, mos pyesni, lermëni!
Sa helme ndarjesh që kam pirë, mos pyesni, lermëni!
Kryq e tërthor i rashë botës, ika shtegtimeve,
Zgjodha një shoqe mbi të tjera, mos pyesni, lermëni!
Me veshë të mi dëgjova dje-nga goj` e saj,
Të tilla fjalë dot s`i them, mos pyesni, lermëni!
E putha vajzën mu në buzë, po më kafshoi,
Ah, zemërime dashurie! Mos pyesni, lermëni!
Më digjej shpirti kur u ndava te streh` e varfër,
Një barrë dhimbje më rëndon, mos pyesni, lermëni!
Shtegtoj në vise dashurish, ku dhe Hafizi shkoi,
Kaq larg ka ikur miku yt, mos pyesni, lermëni!
e mërkurë, 19 maj 2010
Abonohu te:
Posto komente (Atom)
Nuk ka komente:
Posto një koment
Shënim. Vetëm anëtari i blogut mund të postojë komente.