Zemër e plagosur
Hafiz SHIRAZI
Ti eja! Zemër e plagosur shërohet, ndofta përsëri,
Ndofta, ky trupi im i vrarë me shpirtin puqet gjithsesi.
Ti eja!Syt`e mi m`i mbylli kjo ndarje e hudhura me ty
Dhe veç takimi, ah, takimi, do të m`i çelë rishmëzi.
Ma prishi si hordhi e zezë të zemrës sime mbretëri,
Fytyr`e qashtër le të çelë nga një e bardhë ushtëri.
Çdo shëmbëlltyrë të spikatë mu në pasqyrë të shpirtit tim,
Veç bukuria jote e ndritur do zotërojë me stoli.
Me barr`ësht`nata, ne e dimë, tek ylli yt do hedhin fall,
Vallë ç`më pret, ç`mëngjes do gdhijë, nesër mbi tokë e njerëzi?
Ti eja, eja! Drithërohet bilbil i ëndrrave të mia,
Me trëndafilin erëmirë kërkon të piqet përsëri.
e mërkurë, 19 maj 2010
Abonohu te:
Posto komente (Atom)
Nuk ka komente:
Posto një koment
Shënim. Vetëm anëtari i blogut mund të postojë komente.