Për lëngatën që ke
Hafiz Shirazi
Për lëngatën që ke, nëpër mjekë të shkosh ësht`e kotë!
Syri yt ledhatar asnjëherë mos u vrenjtë, mos u mrroltë!
Hir`i botës kudo është hiri që ke,bukuria!
Mos lëngoftë jo kurrë shpirti yt i molisur, mos lëngoftë!
Se shëndeti dhe shpirti i njeriut-janë pamja dhe mendja.
Ato kurrë të keqe mos paçin, kjo mos qoftë!
Kur vjen vjeshta stolisjen prej pemëve heq, qiparisave!
Mos u prishtë bukuria që ke, qiparis, mos u prishtë!
Hijeshia që mban trupi yt-mos u nëmtë!
Ligësi,zemërime të kohës-mos pastë!
Le të shembet kushdo që ka syrin e lig, ah, u shembtë!
Dhe nga ruta e djegur asnjë sy mos shpëtoftë!
Ti shërimin kërkoje në vargjet e mi, thotë Hafizi.
Dhe ilaçe mos pi, vargu im ëmbëlsisht të shëroftë!
e mërkurë, 19 maj 2010
Abonohu te:
Posto komente (Atom)
Nuk ka komente:
Posto një koment
Shënim. Vetëm anëtari i blogut mund të postojë komente.