O ti me dritë shpërndan...
Hafiz SHIRAZI
O ti me dritë që shpërndan, rrit tulipanët e një jete
Ti eja shpejt, se kur nuk je, pranvera vyshket, e një jete
Ky kaos-oqean i zymtë-gjykimin dot s`ia errëson,
Atij që gjen në fjalën tënde, brerore-endur të një jete.
Kur prroje lotësh do të rrjedhin-mos më shiko me sy qortues!
Me zinë që po mbaj për ty un`bredh kudo në vise jete.
Gjalloj, po brenda jetë s`kam, a do çuditej njeri vallë?
Ditët e ndarjes le mënjanë-se janë vetëm plagë jete.
Po more udhë gjithandej, je kërcënuar nga mësymjet
Të ndjek nga pas me fre në dorë, kalorës i palodhur jete!
Gjer gdhihet dita-në gostira,-i ëmbël gjumi në mëngjes,
Ti zgjohu! Koh`e lirë shkoi, të prehjes çaste të një jete.
Ai kaloi dje këndej, po sytë fare nuk m`i hodhi,
O zemr`e shkretë s`t`u fanitën, veçse këto mashtrime jete.
Hafiz, ti fjalët i qëndis, qënë fletore gjithësie,
Kujtime, ndofta, do të mbeten edhe këndime të një jete!
e mërkurë, 19 maj 2010
Abonohu te:
Posto komente (Atom)
Nuk ka komente:
Posto një koment
Shënim. Vetëm anëtari i blogut mund të postojë komente.